سامی ئەبو زوهری یەکێک لە سەرکردەکانی بزووتنەوەی خۆڕاگری ئیسلامی فەلەستین حەماس وڵامی راگەیەندراوەکەی ترامپ لەبارەی ئازادکردنی تەواوی ئەسیرەکان وتی، "زمانی هەڕەشە هیچ بەهایەکی نییە."

دۆنالد ترامپ سەرۆکی ئەمریکا هەڕەشەی لە حەماس کردبوو کە تاوەکو ١٥ی شوبات کاتژمێر ١٢:٠٠ تەواوی ئەسیرەکان ئازاد بکات و ئەگەر وا نەکرێت دەتوانرێت رێککەوتنەکە هەڵبوەشێنرێت و "قیامەت هەڵدەستێت."

سامی ئەبو زوهری یەکێک لە سەرکردەکانی بزووتنەوەی خۆڕاگری ئیسلامی فەلەستین حەماس سەبارەت بە هەڕەشەکەی ترامپ راگەیەندراوێکی بڵاو کردەوە و دەستنیشانی کرد، دەبێت ڕێز لە رێککەوتنەکەی نێوان حەماس و رژێمی داگیرکەر بگیرێت.

ئەبو زوهری وتی، "ترامپ دەبێت لەبیری بێت کە ئەمە رێککەوتنێکە کە دەبێت هەردوولا ڕێزی لێبگرن و ئەمە تاکە ڕێگایە بۆ گەڕاندنەوەی ئەسیرەکان. زمانی هەڕەشەکردن هیچ بەهایەکی نییە و تەنیا بابەتە ئاڵۆزتر دەکات."

حەماس راگەیاندبوو کە لەبەر ئەوەی رژێمی داگیرکەری سەهیۆنی ٤ ماددەی رێککەوتنی ئاگربەستی پێشێلکردووە ئاڵوگۆڕی ئەسیر تا کاتێک نادیار دوا خراوە.(İLKHA)